Ammore ammore

Te ne si gghiuto
senza nu saluto
e manche na carezza.
Te si scurdato e Nenna toia
te si scurdato ‘e chistu core
ca sbatte ancora pe st’ammore.
T’aggio sunnato stanotte
iere bello iere carnale
me vasave m’abbracciave
ma pure ‘ nsuonno
stive luntano stive cu ‘n’ata.
Pecchè pecchè?
forse nun ‘o saccio
forse nu’ me ne so accorta
ca vaso l’ommo ‘e n’ata
l’ommo ca me tradiva.
Ammore ammore
nun te può scurdà ‘e me
de sta pelle de sta vocca mia.
Nun può cancellà o nomme mio
d”o libbro tuio !!

Rosa Schettini Iaverone

 

Loading